9061 USD +179.00

10092.1 EUR +163.84

138.47 RUB +2.09

10926.7 GBP +151.91

15:54 / 12.08.2019 28437

Andijonda yuk mashinasi ag‘darilib, ichidagi spirt ko‘chaga to‘kildi

Andijonda spirt olib ketayotgan yuk mashinasi ag‘darilib ketgan. Bu haqda tvitter foydalanuvchilari yozishdi. Guvohlarning Kun.uz`ga ma'lum qilishicha, voqea bugun, 12 avgust kuni soat 10:30 lar atrofida Abdulaziz Yo‘ldoshev ko‘chasida sodir bo‘lgan. Yuk mashinasi Andijon biokimyo zavodidan (gidroliz zavodi) spirt olib ketayotgan bo‘lgan.

Foto: Ijtimoiy tarmoqlar

Qashqadaryo viloyatida ro‘yxatdan o‘tgan yuk mashinasi ag‘darilgan yo‘lda ikkita xavfli burilish bo‘lgan. Haydovchi birinchi burilishdayoq nazoratni yo‘qotishiga sal qolgan va shunga qaramay ehtiyot chorasini ko‘rmagani sabab ikkinchi burilishda ag‘darilgan.

Foto: KUN.UZ

Voqea joyiga tez yordam, IIB hamda o‘t uchiruvchilar yetib borgan. Yuk mashinasi qulashi oqibatida hech kim jiddiy jarohat olmagan, ammo mashinadagi spirt ko‘chaga to‘kilib ketgan. Guvohlarning aytishicha, OTMlarga kirish imtihonlari bo‘layotgani sabab Andijon davlat universiteti chet tillar fakulteti binosi oldi yopilgan. Shu bois mashinalar aylanma yo‘llardan yurishga majbur bo‘lmoqda va bu yuk mashinalariga ayniqsa noqulaylik tug‘dirmoqda.

Top