23:22 / 07.09.2019
0
5843
Hongkongda namoyishchilar va politsiya o‘rtasida to‘qnashuvlar sodir bo‘ldi

Hongkong politsiyasi namoyishchilarga qarshi qalampirli gaz qo‘lladi, deb xabar berdi The South China Morning Post.

Xabarda aytilishicha, politsiya Sha Tin temiryo‘l stansiyasi va “Shahzoda Edvard” stansiyasi yaqinida to‘plangan faollar guruhiga qarshi aerozoldan foydalangan. Namoyishchilar politsiyachilarga soyabon va metall buyumlar uloqtirishgan.

Avvalroq namoyishchilar yana aeroportda aksiya o‘tkazishlarini ma'lum qilgan, ammo politsiya va hukumat ehtiyot choralarini ko‘rgandi.

Faollar savdo markazlari va temiryo‘l stansiyalarida to‘planishga qaror qilishgan. Hongkongda iyun oyidan buyon namoyishlar davom etmoqda.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top