23:02 / 08.11.2019
0
19488
Qozog‘istonda bir qozonda 7 xil palov tayyorlandi (video)

Qozog‘istonning Turkiston shahrida o‘tgan taomlar festivalida bir qozonda bir vaqtda 7 xil palov pishirildi. Bu haqda Tengrinews.kz nashri xabar berdi. 

Oshpazlar o‘z “ijod mahsuli”ni “Do‘stlik palovi” deb atashgan. Bunday palov pishirish g‘oyasi muallifi Tursunbek Nusriddinning ta'kidlashicha, dunyoda hali bunday palov tayyorlanmagan.

“Festival arafasida biror antiqa taom tayyorlash xayoli meni tark etmadi. Bu g‘oya menga tunda keldi”, deb aytgan oshpaz.

“Bu yerda qozoqcha, samarqandcha, buxorocha, to‘y, choyxona palovi bor. Biz uni “Do‘stlik palovi” deb atashga qaror qildik”, deb aytgan Nusriddin.

Antiqa palov shahar aholisi va festival mehmonlariga tortiq qilingan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top