Flight International nufuzli britan nashri dunyoning eng kuchli harbiy-havo kuchlariga ega davlatlar reytingi keltirilgan World Air Forces 2020 tadqiqoti natijalari bilan bo‘lishdi.
Unga ko‘ra, reytingda AQSh yetakchilik qilmoqda. Hozirda AQSh harbiy-havo kuchlari (HHK) 13300 ta jangovar samolyotga ega. Bu esa dunyodagi jami harbiy parvoz qurilmalarining 25 foizini tashkil qiladi. AQShning F-16 qiruvchi samolyoti esa boshqa davlatlar HHKda eng keng tarqalgan samolyot (2280 ta) hisoblanadi.
2-o‘rinni Rossiya egallagan. Uning harbiy-havo floti 4163 ta jangovar samolyotga ega (dunyodagi jami jangovar parvoz qurilmalarining 8 foizi). Rossiya o‘z qiruvchi samolyotlari va vertolyotlarining xorijda keng tarqalgani bo‘yicha ham 2-o‘rinda turadi. Turli davlatlar qurollanishida 1067 ta Su-27/30 samolyotlari va 2 865 ta Mi-8/17 vertolyotlari bor.
Keyingi o‘rinlarni Xitoy (3-o‘rin, 3210 ta samolyot), Hindiston (2123 ta), Janubiy Koreya (1649 ta) va Yaponiya (1561 ta) egallagan.
Avvalroq eng kuchli harbiy flotga ega davlatlar reytingi e'lon qilingandi.
