08:26 / 16.03.2020
12174
Qirg‘izistonda O‘zbekistonga qaytish uchun navbatda turgan talabalar haqidagi xabar tasdiqlandi - TIV

Muammoni belgilangan tartibda hal qilish uchun Qirg‘iziston rasmiylari bilan bir qator muzokaralar o‘tkazildi 

Foto: TIV axborot xizmati

2020 yilning 14 mart kuni O‘zbekistonning Bishkek shahridagi elchixonasi Qirg‘izistonning qator universitetlarida o‘qishini ko‘chirish va vatanda ta'lim olish uchun hujjatlarini olmoqchi bo‘lgan o‘zbekistonlik talabalardan iborat navbatlar haqidagi xabarni tasdiqladi.

Qayd etilishicha, vaziyat elchixona nazorati ostida. Muammoni belgilangan tartibda hal qilish uchun Qirg‘iziston rasmiylari bilan bir qator muzokaralar o‘tkazildi.

Shuningdek, O‘zbekistonning ta'lim muassasalari vakillari tegishli hujjatlarni markazlashtirilgan tartibda olish uchun Qirg‘iziston universitetlariga yuborildi.

Tashqi ishlar vazirligi vatandoshlarga zarur holatlarda O‘zbekistonning Bishkekdagi elchixonasiga + 996-312-986-296 telefon raqami orqali murojaat qilishlari mumkinligini eslatgan.

Top