Sog‘liqni saqlash vazirligi O‘zbekistonda koronavirus infeksiyasiga chalinganidan keyin butunlay sog‘aygan bemorlarning bir guruhini Respublika virusologiya ilmiy-tekshirish instituti klinikasidan kuzatish jarayonidan fotoreportaj taqdim etdi.
Tuzalganlarni sog‘liqni saqlash vaziri Alisher Shodmonov va boshqa mas'ullar kuzatib qo‘yishgan.
Ayni vaqtda sog‘aygan 7 nafar bemor Respublika ixtisoslashtirilgan terapiya va tibbiy reabilitatsiya tibbiyot markaziga joylashtirilgan.
Kasallikdan xalos bo‘lgan fuqarolar ma'lum muddat shu yerda karantinda bo‘lishadi.