10:50 / 21.05.2020
29300
Turkmanistonda jazo o‘tayotgan 61 nafar o‘zbekistonlik ozodlikka chiqarildi

Turkmaniston Respublikasida 61 nafar yurtimiz fuqarolari amnistiya aktiga asosan ozod qilindi.

Foto: Buxoro viloyati IIB Axborot xizmati

Turkmaniston Respublikasida joylashgan jazoni ijro etish muassasalarida jazo o‘tayotgan 61 nafar O‘zbekiston fuqarolari ushbu mamlakatda e'lon qilingan amnistiya aktiga asosan ozodlikka chiqarilib, yurtimizga qaytarildi

Buxoro viloyati IIB axborot xizmati xabariga ko‘ra, ozod etilganlarning 59 nafari erkak va 2 nafari ayollar bo‘lib, 1 nafardan Toshkent shahri va Navoiy viloyatidan, 2 nafari Buxoro, 3 nafari Toshkent, 5 nafari Qashqadaryo, 25 nafari Xorazm viloyati va 24 nafari Qoraqalpog‘iston Respublikasida yashovchi fuqarolardir. 

Foto: Buxoro viloyati IIB Axborot xizmati
Foto: Buxoro viloyati IIB Axborot xizmati

Ular karantin tartib-qoidalariga to‘liq rioya etilgan holda Buxoro viloyati Olot tumanidagi Bojxona chegara posti orqali Respublika hududiga kiritilib, Toshkent viloyati Yuqori Chirchiq tumanida joylashgan 14 kunlik maxsus karantin saqlash joyiga joylashtirildi.

Foto: Buxoro viloyati IIB Axborot xizmati

Ular orasidan O‘zbekiston Respublikasi hududida qidiruvda bo‘lgan 5 nafar shaxslarning 3 nafari Xorazm viloyati va 2 nafari Qoraqalpog‘iston Respublikasida yashovchi fuqarolar. 2 nafar shaxslar maxsus konvoy avtomashinasi orqali yashash joyi - Qoraqalpog‘iston Respublikasiga jo‘natildi.

Top