23:19 / 25.06.2020
5245
Xorijdagi abituriyentlar imtihonlar boshlanishidan kamida uch hafta avval qaytib kelishi kerak – DTM

Hozirda xorijda bo‘lib turgan, 2020/21 o‘quv yili uchun qabulga onlayn hujjat topshirgan abituriyentlar kirish imtihonlariga kamida 3 hafta qolganda O‘zbekistonga qaytishi kerak, deb ma'lum qilindi 25 iyun kuni AOKAda o‘tkazilgan brifingda.

Davlat komissiyasining 1-son bayoniga ko‘ra, xorijdagi abituriyentlar testlar boshlanishidan kamida uch hafta oldin kelishlari lozim.

Ular karantin talablarini to‘liq bajarganlaridan so‘ng, Sanitariya-epidemiologiya va osoyishtalik agentligi taqdim etgan xulosalari asosida test sinovlariga kiritiladi.

Mazkur tartib yuzasidan Davlat test markazining Kun.uz`ga bergan izohiga ko‘ra, abituriyent imtihongacha uch hafta bo‘lgan muddatda O‘zbekistonga qayta olmasa yoki karantinda saqlangan vaqtida unda virus aniqlansa, kirish imtihonlarida ishtirok eta olmaydi.

Mavzu
Abituriyent-2020
20 iyun kuni OTMlarga hujjat qabul qilish boshlandi. Imtihonlar 1 avgust kuni boshlanishi rejalashtirilmoqda.
Barchasi
Top