00:46 / 06.09.2020
2365
Rim va Zagrebda koronavirus cheklovlariga qarshi namoyishlar bo‘lib o‘tdi
Foto: AFP

Italiya va Xorvatiya poytaxtlarida minglab kishilar hukumatning epidemiologik choralariga qarshi namoyishga chiqdi.

Rim markazida Italiya hukumatining koronavirus epidemiyasini jilovlash siyosatiga qarshi ko‘p ming kishilik aksiyasi bo‘lib o‘tdi. Namoyishchilar "sog‘liqni saqlash sohasida diktatura" o‘rnatilganini bildirdi va barcha cheklovlarni olib tashlashni talab qildi.

Italiya OAVning xabariga ko‘ra, namoyishda taksi haydovchilari, mehmonxonalar egalari hamda o‘ng ekstremistik partiyalar vakillari qatnashgan.

Italiya tashqi ishlar vaziri Luiji Di Mayo namoyishni tanqid qilib, mamlakatdagi minglab koronavirus qurbonlari haqida eslatdi.

"Men koronavirusni rad etayotganlarni vafot etganlarning oilalarini hurmat qilishga chaqiraman", - dedi u.

Zagrebdagi COVID-cheklovlarga qarshi namoyishda 3 mingga yaqin kishi qatnashdi. Ularning deyarli barchasi niqobsiz edi va masofaga rioya qilmadi, deb xabar berdi Index.hr portali. 

Italiyada o‘tgan sutkada 1,7 mingta yangi holat aniqlandi, jami kasallanganlar soni 280 mingga yaqinlashdi. Infeksiyadan 35,5 ming kishi vafot etdi.

Xorvatiyada oxirgi 24 soat ichida 311 kishida kasallik aniqlanib, jami kasallanganlar soni 11 739taga yetdi, kasallikdan shu kungacha 197 kishi vafot etdi. 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top