Toshkent shahar bosh rejasi 2022 yili tayyor bo‘ladi - Qurilish vazirligi
Qurilish vaziri o‘rinbosari Sherzod Hidoyatov O‘zbekiston poytaxtining qurilish bosh rejasi 2023 yilga qadar tayyor bo‘lishini ma'lum qildi.
10 dekabr kuni Toshkent shahrida tashkil etilgan Yoshlar forumida ishtirok etgan qurilish vaziri o‘rinbosari Sherzod Hidoyatov poytaxt qurilishining bosh rejasi keyingi ikki yilda tayyor bo‘lishi, 2023 yilda tasdiqlanishi kutilayotgani haqida gapirdi. Bu haqda Kun.uz muxbiri xabar bermoqda.
«Bosh rejani ishlab chiqish uchun dunyodagi yetakchi loyihalash tashkilotlari bilan muzokara olib borilyapti. Bunda Estoniya, Turkiya, Yevropa va AQShdagi loyiha institutlarining urbanistikada tajribali bo‘lgan mutaxassislari bilan so‘zlashmalar olib borilmoqda. Ayni paytda bosh rejani ishlab chiquvchi kompaniyani tanlab olish uchun tanlov o‘tkazishga tayyorlanyapmiz. 2022 yilda bosh reja ishlab chiqiladi va muhokamaga qo‘yiladi. 2023 yilda Toshkent shahrining bosh rejasi qabul qilinishi kutilmoqda», — deydi Hidoyatov.
Toshkent shahar hokimi o‘rinbosari Davron Hidoyatov 2019 yil oktyabrda o‘tgan Senatning yalpi majlisida bosh reja 2020 yilda tayyor bo‘lishini bildirgandi.
Eslatib o‘tamiz, prezidentning 2018 yil avgust oyidagi farmoniga muvofiq, Toshkent shahar hokimi 2019 yil 1 yanvarga qadar Toshkent shahrining bosh rejasi konsepsiyasini tasdiqlash to‘g‘risidagi prezident qarori loyihasini taqdim etishi kerak edi.
Shuningdek, yuqoridagi farmon bilan shahar hokimiga 2019 yil 1 dekabrgacha tasdiqlangan bosh reja konsepsiyasi asosida Toshkent shahrining bosh rejasini tasdiqlash to‘g‘risidagi prezident qarori loyihasini Vazirlar Mahkamasiga kiritish haqida topshiriq berilgandi.
Amalda har ikkala topshiriq ham belgilangan muddatda bajarilmadi. 2019 yil 1 yanvargacha taqdim etilishi buyurilgan konsepsiya avvaliga aprel oyida taqdim qilinishi e'lon qilindi, keyinroq esa may oyida tayyor bo‘lishi aytildi.
Prezident Shavkat Mirziyoyevning 2020 yil 27 noyabr kuni «O‘zbekiston Respublikasi qurilish tarmog‘ini modernizatsiya qilish, jadal va innovatsion rivojlantirishning 2021–2025 yillarga mo‘ljallangan strategiyasini tasdiqlash to‘g‘risida»gi farmoniga muvofiq, 2025 yilga borib shaharlarning barchasini va shahar posyolkalarining 25 foizini bosh rejalar bilan qamrab olishga erishish rejalashtirilmoqda.
Tavsiya etamiz
Aprelda qanaqa ob-havo kutilyapti?
O‘zbekiston | 12:09 / 28.03.2025
AQShda Isroilni tanqid qilgan turk talaba qo‘lga olindi
Jahon | 22:36 / 27.03.2025
Karmanada maktab o‘quvchisi oliygohga kirish uchun muddatidan avval maksimal ballni to‘pladi
Jamiyat | 20:18 / 27.03.2025
“Kontraktga kirsang o‘qita olmaymiz deyishgan” – orzular yo‘lida stereotiplarni yengib o‘tgan navoiylik qiz hikoyasi
Jamiyat | 20:50 / 25.03.2025
So‘nggi yangiliklar
-
AQSh Davlat departamenti Kongressni USAID tarqatib yuborilishi haqida xabardor qildi
Jahon | 00:27
-
AQSh harbiylar uchun miya implantlari ustida ish olib bormoqda
Jahon | 00:16
-
Toshkentda hayit namozi o‘qilishi munosabati bilan qator ko‘chalar yopiladi
Jamiyat | 23:27 / 28.03.2025
-
Ukraina armiyasi Belgorod oblastida bir necha aholi punktini egallagan: ko‘priklar portlatilmoqda
Jahon | 23:20 / 28.03.2025
Mavzuga oid

23:27 / 28.03.2025
Toshkentda hayit namozi o‘qilishi munosabati bilan qator ko‘chalar yopiladi

23:43 / 27.03.2025
Toshkentda ayrim avtobus yo‘nalishlariga o‘zgartirish kiritildi

21:02 / 26.03.2025
Toshkentning ayrim hududlarida 7 apreldan 16 maygacha ichimlik suvi ta’minoti to‘xtatiladi

15:11 / 26.03.2025