20:05 / 28.12.2020
8022
Xiaomi Mi 11 flagmanini taqdim etdi

U Qualcomm Snapdragon 888 protsessori o‘rnatilgan ilk smartfon hisoblanadi. Qurilmaning minimal konfiguratsiyasi sakkiz gigabayt operativ va 128 yoki 256 gigabayt doimiy xotiraga ega.

Foto: Xiaomi

Xiaomi kompaniyasi Mi 11 turkumidagi flagman smartfonlari taqdimotini o‘tkazdi.

Smartfon 6,81 dyuymli OLED-ekran bilan jihozlangan bo‘lib, HDR10+ texnologiyasini qo‘llab-quvvatlaydi.

U Qualcomm Snapdragon 888 protsessori o‘rnatilgan ilk smartfon hisoblanadi. Qurilmaning minimal konfiguratsiyasi sakkiz gigabayt operativ va 128 yoki 256 gigabayt doimiy xotiraga ega. 

Mi 11 108, 13 va 5 megapikselli uchta kamera bilan jihozlangan. Uning akkumulyatori hajmi 4600 milliamper-soatga teng.  

Sakkiz gigabayt tezkor va 256 gigabayt doimiy xotiraga ega Mi 11 narxi 3999 yuan (613 dollar) deb baholanmoqda. Uning global sotuvi qachondan boshlanishi hozircha ma'lum qilinmayapti.

Top