Tramp kompaniyalari Nyu-York hokimiyati bilan ko‘plab shartnomalarga ega. Bu shartnomalar uning kompaniyalariga yiliga 17 mln dollarga yaqin daromad keltiradi.
Nyu-York hokimiyati Donald Tramp bilan hamkorlikdagi tadbirkorlik munosabatlariga chek qo‘ymoqchi.
"Shartnomalarda agarda korxona yoki korxona rahbariyati jinoiy faoliyatga aralashgan bo‘lsa, shartnomani bekor qilishga huquqimiz borligi yozib qo‘yilgan. AQSh hukumatiga qarshi isyon ko‘tarishga da'vat qilish jinoiy faoliyat hisoblanadi", - dedi Nyu-York meri Bill de Blazio.
Tramp kompaniyalari Nyu-York hokimiyati bilan ko‘plab shartnomalarga ega. Bu shartnomalar uning kompaniyalariga yiliga 17 mln dollarga yaqin daromad keltiradi.
Nyu-York hokimiyati Trampning tarafdorlari 6 yanvar kuni Vashingtondagi Kapitoliy binosiga hujum qilganidan so‘ng u bilan tuzilgan shartnomalar qayta ko‘rib chiqilishini e'lon qildi.
O‘sha kungi tartibsizliklarda besh kishi halok bo‘ldi. Ammo sodir bo‘lgan voqealarda Tramp yuridik jihatdan aybdor ekanligi hozircha isbotlanmadi.
