15:53 / 26.01.2021
7882
Tojikiston prezidenti mamlakatda koronavirus ustidan g‘alaba qozonilganligini e'lon qildi

Mamlakat sog‘liqni saqlash vazirligining ma'lumot berishicha, Tojikistonda 15 kundan buyon koronavirus yuqtirish holatlari qayd etilmagan.

Foto: Tojikiston prezidenti matbuot xizmati

Tojikiston koronavirusni butunlay yengdi, ammo barcha fuqarolar xavfsizlik choralariga rioya qilishlari lozim. Bu haqda Tojikiston prezidenti Imomali Rahmon parlamentga murojaati chog‘ida aytdi.

"Tojikistonda koronavirus yo‘q, u butunlay yo‘q qilindi", - dedi Rahmon.

 U shu bilan birga, gigiyena qoidalariga rioya qilishni unutmaslik kerakligini qo‘shimcha qildi.

“Epidemik choralarga rioya qilish, gigiyena vositalari, antiseptiklar, tibbiyot niqoblaridan foydalanish zarurligini ta'kidlayman”, - dedi Tojikiston prezidenti.

 Mamlakat sog‘liqni saqlash vazirligining ma'lumot berishicha, Tojikistonda 15 kundan buyon koronavirus yuqtirish holatlari qayd etilmagan.

Pandemiya boshlanganidan buyon Tojikistonda 13 ming 308 kishi kasallikka chalingan, 90 kishi vafot etgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top