14:45 / 06.03.2021
1943
Somali poytaxtida sodir bo‘lgan portlashda 20 kishi halok bo‘ldi

Guvohlarning so‘zlariga ko‘ra, portlovchi modda joylangan avtomobil portlagan hamda portlash sodir bo‘lgan joy yaqinida otishma ovozlari eshitilgan.

Foto: XinHua/Global Look Press

Somali poytaxti Mogadishoda sodir bo‘lgan portlash oqibatida kamida 20 kishi halok bo‘ldi.

"Portlash joyidan 20 nafar halok bo‘lganlarning jasadini va 30 nafar yaradorni olib chiqdik", - deb ma'lum qildi tez yordam xizmati vakili.

Guvohlarning so‘zlariga ko‘ra, portlovchi modda joylangan avtomobil portlagan hamda portlash sodir bo‘lgan joy yaqinida otishma ovozlari eshitilgan. Politsiya voqea joyini o‘rab olgan.

Fevral oxirida Somali mudofaa kuchlari boshlig‘i o‘rinbosari Abbos Aminga qilingan suiqasd chog‘ida uning ikki nafar tansoqchisi halok bo‘lgan, yana biri jarohatlangandi. 

Top