19:51 / 01.04.2021
5174
Bayden Fors ko‘rfazi hududidagi AQSh qo‘shinlarining bir qismini olib chiqib ketishni buyurdi – OAV

Patriot zenit raketa majmualarining uchta batareyasi olib ketilgan bo‘lib, ulardan biri Saudiya Arabistonidagi Shahzoda Sulton aviabazasiga joylashtirilgan.

Foto: Getty Images

AQSh prezidenti Jo Bayden Pentagonga Fors ko‘rfazi hududidagi Amerika harbiylari va qurollarining bir qismini olib chiqib ketish topshirig‘ini berdi. Bu haqda The Wall Street Journal gazetasi xabar qildi.

Gazetaning ma'lumot berishicha, Patriot zenit raketa majmualarining uchta batareyasi olib ketilgan bo‘lib, ulardan biri Saudiya Arabistonidagi Shahzoda Sulton aviabazasiga joylashtirilgan.

Bundan tashqari, aviatashuvchi kema va razvedka tizimlari ham boshqa hududlarga ko‘chiriladi.

Gazetaning yozishicha, bu biroz vaqtdan so‘ng bir necha ming nafar amerikalik harbiy mintaqani tark etishi mumkinligini anglatadi.

Top