19:00 / 17.05.2021
27969
Pulsiz, tanish-bilishsiz ko‘tarilgan yigitlar: SUBYEKTIV'da – vaynerlar bilan suhbat

Mediamakonda bachkanalikdan yiroq, xalqchil satira bo‘shlig‘ini to‘ldirayotgan bu yoshlar – SUBYEKTIV'ning galdagi mehmonlari.

Yaqin-yaqin zamonlargacha ommaga faqat televideniye va katta ekranlar orqali tanilish mumkin edi. Buning uchun kastinglardan o‘tish, tanish-bilish, prodyuser va kattagina pul kerak bo‘lardi. Bugun esa mashhurlikka erishish uchun telefon bo‘lsa kifoya.

SUBYEKTIV loyihasining navbatdagi mehmonlari vaynchilar (yumor va satira yo‘nalishida qisqa video oluvchilar) bo‘lishini bilganda, ko‘pchilik: «Nima qilasizlar ularni chaqirib, bekorchilar-ku, ulardan nima ham chiqardi» qabilida munosabat bildirishdi.

Bunday salbiy munosabatga qaramay, bugun vaynchilarni yuz minglab insonlar tomosha qilyapti. Va ular hozirgi kunda ancha-muncha kasb egalaridan ko‘ra ko‘proq daromad topishadi

Xo‘sh, vaynchilar aslida kim? Ularning fikrlash doirasi qanday va nahotki ulardan halqqa hech qanday manfaat tegmasa? Shu kabi savollarga javobni SUBYEKTIV'ning yangi sonidan topasiz.

Ko‘rsatuvimiz mehmonlari Timur Alixonov, Farhod Mannopov (Mittivine) va Ulug‘bek Shodibekovlar (Mitti.me) bo‘lishdi.

Ko‘rsatuvni yuqoridagi video yoki SUBYEKTIV'ning YouTube'dagi sahifasida tomosha qiling.

Jamshidxon Ziyoxonov suhbatlashdi.
Tasvirchi – Muhammadjon G‘aniyev.

Montaj ustalari – Muhammadjon G‘aniyev, Jamshidxon Ziyoxonov.

Top