Sutka davomida 200 nafarga yaqin tolib yo‘q qilingan, yuzdan ortiq jangari yaralangan.
Afg‘oniston hukumat kuchlari mamlakat shimolidagi bir nechta tumandan “Tolibon” jangarilarini siqib chiqardi. Bu haqda Afg‘oniston mudofaa vazirligi vakili Favad Omonga tayanib Reporterly xabar berdi.
Xabarda aytilishicha, harbiylar beshta tumanni toliblardan ozod qilgan va jangarilarning qarshi hujumlarini qaytargan.
Sutka davomida 200 nafarga yaqin tolib yo‘q qilingan, yuzdan ortiq jangari yaralangan.
Bundan tashqari, hukumat qo‘shinlariga mahalliy aholi ham qo‘shilgani aytilmoqda.
Avvalroq toliblar tojik-afg‘on chegarasidagi Qunduz viloyatida joylashgan «Sherxon-Bandar» chegara-o‘tkazuv punktiga hujum qilgani va hukumat qo‘shinlarining 130dan ortiq harbiy xizmatchilari Tojikiston hududiga qochib o‘tgani xabar qilingandi.
