16:30 / 16.07.2021
39517
«Biz bunday halokatni hali ko‘rmagandik» - Germaniya g‘arbidagi suv toshqini foto va videolarda

Shimoliy Reyn-Vestfaliya va Reynland-Pfals yerlarida odamlar uylarining tomiga chiqib, suvdan saqlanmoqda, o‘nlab kishilar halok bo‘lgan. Mahalliy hukumat favqulodda holat e'lon qilgan.

Sascha Steinbach / EPA / Scanpix / LETA

15 iyul kuni Germaniya g‘arbida yog‘gan kuchli va davomli yomg‘irlar suv toshqinlarini keltirib chiqardi. So‘nggi ma'lumotlarga ko‘ra, qurbonlar soni 100ga yaqin, o‘lim holatlari asosan Shimoliy Reyn-Vestfaliya va Reynland-Pfals yerlariga to‘g‘ri keladi, yuzlab kishilar bedarak yo‘qolgan deb hisoblanmoqda.

Internetda tarqalgan videolarda odamlar bir necha soat mobaynida o‘z uylarining tomiga chiqib olib jon saqlaganini ko‘rish mumkin.

Ayrim hollarda ularni vertolyotlar orqali tomlardan olib ketishga to‘g‘ri kelgan.

«Biz shu vaqtgacha bunday ko‘lamdagi halokatga guvoh bo‘lmagandik», — deya tan oldi Reynland-Pfals yeri bosh vaziri Malu Drayyer.

GFR kansleri Angela Merkel qurbonlarning yaqinlariga hamdardlik bildirgan, shuningdek, tabiiy ofat vaqtida ishlayotgan qutqaruvchilar va ko‘ngillilarga minnatdorchilik izhor etgan.

Meteorologlarning prognozlariga ko‘ra, Germaniyaning janubi-g‘arbiy qismida ham kuchli yomg‘irlar yog‘ishi kutilmoqda, bu hududlar aholisi ham suv toshqinlariga tayyorgarlik ko‘rmoqda.

Foto: EPA/Vostock-photo
Foto: EPA/Vostock-photo
Foto: Abdulhamid Hosbas/Anadolu Agency via Getty Images
Foto: EPA/Vostock-photo
Foto: EPA/Vostock-photo
Foto: EPA/Vostock-photo
Foto: EPA/Vostock-photo
Foto: EPA/Vostock-photo
Foto: EPA/Vostock-photo
Foto: Boris Roessler/picture alliance via Getty Images
Foto: Harald Tittel/picture alliance via Getty Images
Foto: Thomas Frey/picture alliance via Getty Images
Foto: EPA/Vostock-photo
Mavzu
Iqlim o‘zgarishlari
Iqlim o‘zgarishlari natijasida Yer yuzining turli nuqtalarida ekstremal ob-havo kuzatilmoqda.
Barchasi
Top