Kuvaytda maydoni 600 ming kvadrat metrni tashkil qiluvchi, dunyodagi eng yirik pokrishkalar chiqindixonasida yong‘in yuz berdi.
Chiqindixona Sulabiya shahri yaqinida joylashgan bo‘lib, ayni vaqtda u yerdagi yong‘in maydoni uncha katta emas. Biroq u mamlakatga ekologik falokat bilan xavf solmoqda.
Chiqindixonada umumiy hisobda 52 milliontaga yaqin ishlatilgan avtomobil pokrishkasi saqlanadi.
Yong‘in 3 avgustda boshlangani, yonayotgan shinalardan chiqayotgan zaharli qora quyuq tutunni uzoqdan ko‘rish mumkinligi ma'lum qilingan.
Kuvaytning atrof-muhitni muhofaza qilish davlat boshqarmasi chiqindixonada 30 yildan beri saqlanib kelinayotgan pokrishkalarni utilizatsiya qilish masalasi ustida bosh qotirmoqda. Chiqindixonada ba'zi-ba'zida yong‘inlar chiqib turadi va o‘t o‘chiruvchilar ularni tezlikda o‘chirishlariga to‘g‘ri keladi.
