O‘tgan haftada Toyota kompaniyasining Sankt-Peterburgdagi zavodi yopilgandi.
Nissan avtokonserni Sankt-Peterburgdagi zavodi faoliyati "yaqin kunlarda" to‘xtatilishini ma’lum qildi.
"Rossiyaga avtomobil eksporti to‘xtatilgan, yaqin kunlarda Sankt-Peterburgdagi zavod ishini to‘xtatish rejalashtirilgan", - deyiladi kompaniya bayonotida.
Avvalroq avtokonsern yaponiyalik xodimlariga Rossiyani tark etishni buyurgandi.
4 mart kuni Toyota kompaniyasining Sankt-Peterburgdagi zavodi yopilgandi. Toyota 30 nafar xodimi Yaponiyaga qaytganini ma’lum qilgan.
Shuningdek, Subaru va Mitsubishi Motors kompaniyalari ham o‘z xodimlarini Rossiyadan olib chiqib ketmoqda.