“Zamin” fondi loyihasi doirasida tashkil etilgan O‘zbekistondagi ilk gospital-maktabda uzoq muddat davomida davolanayotgan hamda maktab yoki bog‘chaga borish imkoniyati bo‘lmagan bolalar ta’lim olmoqda.
Foto: Zamin fondi
Bu yerda ular ota-onalarining ishtirokida reabilitatsiya, moslashuv va ijtimoiylashuv jarayonlaridan ham o‘tmoqda. Bu haqda fond matbuot xizmati xabar qildi.
11 may kuni fond Vasiylik kengashi raisi Ziroat Mirziyoyeva maktabga tashrif buyurib, bu yerdagi sharoitlar bilan tanishdi, pedagoglar va ota-onalarga dalda berib, bolajonlar bilan suhbatlashdi.
Ta’kidlanishich, “Mehrli maktab” – faqatgina o‘quv muassasasi emas. Maktab O‘zbekiston uchun yangi yo‘nalish – gospital pedagogika sohasida zarur metodologiyani yaratish uchun ham ilmiy va amaliy tayanch bo‘lib xizmat qilmoqda.
