Bugun va dam olish kunlari O‘zbekiston hududining katta qismida quruq va biroz issiq ob-havo kuzatiladi.
Foto: Kun.uz
“O‘zgidromet” xabariga ko‘ra, faqat Toshkent viloyati, Farg‘ona vodiysi viloyatlari, shuningdek respublikaning tog‘oldi va tog‘li hududlarida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Ma’lum qilinishicha, ayrim joylarda do‘l yog‘ishi mumkin. Respublika bo‘yicha ba’zi joylarda shamol 18-23 m/s gacha kuchayishi kutilmoqda.
Ushbu kunlarda harorat foni o‘rtacha ko‘p yillik qiymatlardan yuqori bo‘ladi va 34-39 daraja issiqni tashkil etadi, bugun janubda va cho‘l hududlarda ba’zi joylarda 40-42 daraja issiqqacha bo‘ladi.
