Qoʻshimcha funksionallar
-
Tungi ko‘rinish
Putin Luhansk oblastidagi janglarda qatnashgan bo‘linmalarga «dam olish»ni buyurdi
Rossiya mudofaa vaziri Sergey Shoygu prezident Vladimir Putinga qurolli kuchlar «maxsus harbiy operatsiyani davom ettirishi»ni bildirdi.
Foto: Getty Images
Rossiya prezidenti Vladimir Putin mudofaa vaziri Sergey Shoygu bilan uchrashdi. Shoygu uchrashuv chog‘ida Putinga «Luhansk xalq respublikasi ozod etilgani» haqida axborot berdi.
Putin, o‘z navbatida, Luhansk yo‘nalishidagi janglarda faol qatnashgan «Markaz» guruhi bo‘linmalariga dam olishga buyruq berdi.
Putin shuningdek, «Markaz» guruhi qo‘mondoni general-polkovnik Aleksandr Lapin va janubiy harbiy okrug 8-armiyasi qo‘mondoni o‘rinbosari general-mayor Esedulla Abachevga «Rossiya qahramoni» unvoni berilishini e’lon qildi.
Shoygu qurolli kuchlar «maxsus harbiy operatsiyani davom ettirishi»ni bildirdi.
Rossiya mudofaa vazirligining ma’lumot berishicha, Luhansk yo‘nalishida Ukraina tomonidan 2218 kishi halok bo‘lgan va 3251 kishi yaralangan. Shu bilan birga, Shoygu Rossiya armiyasining yo‘qotishlari haqida Putinga ma’lumot bermadi.
3 iyul kuni Rossiya qo‘shinlari Luhansk oblastidagi oxirgi eng yirik shahar - Lisichanskni egallagani ma’lum qilingandi.
Rossiya-Ukraina urushi
Mavzuga oid
13:22 / 27.12.2025
Putin RFda qurol-yarog‘ ishlab chiqarish bir necha barobar o‘sganini aytdi
09:26 / 27.12.2025
Zelenskiy: Belarus Rossiyaga Ukraina havo mudofaasini chetlab o‘tishga yordam beryapti
09:02 / 27.12.2025
Zelenskiy: 20 banddan iborat kelishuv 90 foizga tayyor
08:40 / 27.12.2025