Kreml yaqin vaqt ichida Putin va Erdo‘g‘an uchrashuvi o‘tkazilishini ma’lum qildi

11 iyul kuni Vladimir Putin va Rajab Toyyib Erdo‘g‘an telefon orqali muloqotida Rossiya-Turkiya uchrashuvi arafasida tomonlarni qiziqtirgan qator masalalarni muhokama qildi.

Foto: Mixail Metsel / TASS

Yaqin vaqt ichida Rossiya prezidenti Vladimir Putin va Turkiya prezidenti Rajab Toyyib Erdo‘g‘an o‘rtasida uchrashuv o‘tkaziladi. Bu haqda Kreml saytida xabar qilindi.

Xabarda aytilishicha, 11 iyul kuni Putin va Erdo‘g‘an Rossiya-Turkiya uchrashuvi arafasida tomonlarni qiziqtirgan qator masalalarni muhokama qildi.

Qayd etilishicha, muloqot chog‘ida iqtisodiy hamkorlikni yanada kuchaytirish, xususan, savdo hajmini oshirish va o‘zaro hisob-kitoblarda milliy valutalardan foydalanish hamda Rossiya energiya resurslarining uzluksiz yetkazib berilishiga e’tibor qaratildi.

Ikki mamlakat prezidentlari Ukraina bilan bog‘liq vaziyat va Suriya mavzusi bo‘yicha ham fikr almashdi, deyiladi xabarda.