11:12 / 17.08.2022
7380
Bolalarni oilaga tarbiyaga olish tartibi belgilandi

Hukumat qarori bilan oilaviy bolalar uylari to‘g‘risidagi nizom tasdiqlandi.

Foto: Milliy gvardiya

Oilaviy bolalar uyi tuman (shahar) hokimi qarori bilan tashkil etiladi. Bolalarni oilaviy tarbiyaga olish istagida bo‘lganlar hokimlikka ariza beradi.

Bunda nikohdan o‘tgan, 35 yoshdan 60 yoshgacha fuqarolar tutingan ota-ona bo‘lishi mumkin. Oilaviy tarbiyalash uchun tug‘ilganidan boshlab 18 yoshgacha bo‘lgan bolalar beriladi.

10 yoshga to‘lgan va undan yuqori yoshdagi bolalarni oilaviy bolalar uyiga faqat ular roziligi bilan berish mumkin. Oilaviy bolalar uyiga tarbiyalash uchun 3 yoshdan kamida 3 nafar, lekin ko‘pi bilan 5 nafar bola beriladi.

Oilaviy bolalar uyidagi tarbiyalanuvchilar yashash xarajatlari davlat budjetidan qoplanadi. Tutingan ota-onalarga har bir tarbiyalanuvchi bola yashash xarajatlari uchun har oyda 7 yoshgacha bolalarga 1,5 mln so‘m, 8-18 yoshdagilar uchun 2,1 mln so‘m miqdorida pul ajratiladi.

Top