Qozog‘iston harbiy mahsulotlar eksportini bir yilga to‘xtatdi

Mamlakat sanoat va infratuzilmani rivojlantirish vazirligi qurol-yarog‘, harbiy texnika va mahsulotlarini eksport qilishni to‘xtatib turish to‘g‘risida taklif kiritgandi.

Foto: AP

Qozog‘iston harbiy mahsulotlar eksportini 2023 yil sentabrga qadar to‘xtatdi. Bu haqda mamlakat hukumati Telegram-kanalida xabar qilindi.

Xabarda aytilishicha, Qozog‘iston bosh vaziri Alixan Smailov raisligida mudofaa sanoati masalalari bo‘yicha komissiya yig‘ilishi bo‘lib o‘tdi.

Komissiya qatnashchilari 2023 yilning avgusti oxiriga qadar qurol-yarog‘, harbiy texnika va mahsulotlarini eksport qilishni to‘xtatib turish taklifini muhokama qildi. Taklif sanoat va infratuzilmani rivojlantirish vazirligi tomonidan kiritilgandi.

«Ushbu taklif komissiya a’zolari tomonidan qo‘llab-quvvatlandi»,— deyiladi Qozog‘iston hukumati xabarida.

Tayyorlagan: Дилшод Аскаров

#Qozog‘iston #harbiy mahsulot