Yevroittifoq Rossiya nefti narxiga cheklov kiritish, Rossiyaga yuqori texnologiya mahsulotlari eksportini cheklashni kuchaytirish hamda alohida shaxslarga nisbatan sanksiyalarni kuchaytirishni yangi choralar sifatida ko‘rmoqda.
Foto: Reuters
Yevroittifoq Rossiyaga qarshi yangi sanksiyalar kiritish imkoniyatini ko‘rib chiqadi. Bu haqda Reuters xabar berdi.
Xabarda aytilishicha, bu 6-7 oktyabr kunlari Pragada bo‘lib o‘tadigan YeI rahbarlari uchrashuvida muhokama qilinadi.
YeI Rossiya nefti narxiga cheklov kiritish, Rossiyaga yuqori texnologiya mahsulotlari eksportini cheklashni kuchaytirish hamda alohida shaxslarga nisbatan sanksiyalarni kuchaytirishni yangi choralar sifatida ko‘rmoqda.
Agentlikning ta’kidlashicha, Yevroittifoq mamlakatlari tashqi ishlar vazirlari BMT Bosh assambleyasi doirasidagi uchrashuvda Rossiyaga qarshi yangi sanksiyalar tayyorlashga kelishib olgan.
