Polsha Belarus bilan chegaradagi devorni qurib bitkazdi

Devorni tiklash uchun 49 ming tonna po‘lat ishlatilgan.

Foto: AP

Polsha Belarus bilan chegaradagi devorni qurib bitkazdi, deb ma’lum qildi Polsha maxsus xizmati vakili Stanislav Zarin.

«Hozirda Polshaga noqonuniy kirish butunlay to‘xtatildi. Polsha chegarasi Yerovpadagi eng kuchli himoyalangan chegara», — dedi u.

Polsha hukumatining ma’lumot berishicha, devorni tiklash uchun 49 ming tonna po‘lat ishlatilgan. Chegaradagi devorga 2,5 mingta kuzatuv kamerasi o‘rnatish rejalashtirilgan.

Polsha va Belarus chegarasidagi devor qurilishi 25 yanvarda boshlangandi. Qurilish uchun davlat budjetidan 644 million zlotiy (qariyb 160 million dollar) ajratilgan.