Sirdaryoda erkak xotinini g‘isht bilan urib o‘ldirdi

Mirzaobod tumanida yashovchi 38 yashar erkak o‘zaro janjallashib qolgach, turmush o‘rtog‘ining boshiga g‘isht bo‘lagi bilan bir necha marta urib, og‘ir tan jarohati yetkazgan.

37 yashar ayol zudlik bilan tez yordam mashinasida Yangiyer shahar tibbiyot birlashmasiga olib boriladi. Ko‘rsatilgan tibbiy yordamga qaramasdan u jonlantirish bo‘limida vafot etgan.

Sirdaryo viloyati Oila va xotin-qizlar boshqarmasi Mirzaobod tuman bo‘limining ma’lum qilishicha, mazkur oila nizoli oilalar qatoriga kiritilgan bo‘lib, 17 oktabr kuni ayolga himoya orderi berilgan. Shu kuni IIB xodimlari ayolning eri bilan tushuntirish ishlari olib borishgan. 18 oktabr kuni esa mazkur jinoyat sodir etilgan.

Marhumaning eriga nisbatan Jinoyat kodeksining 104-modda 3-qismi (Qasddan badanga og‘ir shikast yetkazish) bilan jinoyat ishi qo‘zg‘atilgan. Ayni paytda tergov harakatlari olib borilmoqda.

#Mirzaobod tumani