Endi ommaviy ijtimoiy tarmoqda akkaunt ochish uchun alohida xarid qilinadigan anonim raqamlardan foydalanish mumkin.

Foto: Kun.uz

6 dekabr kuni Telegram ma’muriyati navbatdagi yangiliklar haqida, jumladan, SIM-kartasiz akkaunt ochish imkoniyati haqida xabar berdi. 

«Telegram orqali muloqot qilganda telefon raqamini begonalardan yashirish imkoni bor edi. Foydalanuvchi uni kimga ko‘rsatishni o‘zi hal qilishi va telefon raqami orqali o‘zini topishni taqiqlashi mumkin edi. Endi esa maxfiylikning yangi davri boshlandi. Bundan buyon Telegram akkauntini blokcheyn asosidagi anonim raqamlardan foydalangan holda,  SIM-kartasiz ro‘yxatdan o‘tkazish mumkin. Bunday raqamlarni Fragment platformasida xarid qilish mumkin», deyiladi ma’muriyat xabarida.

Bitta anonim raqamning narxi 9 TON (hozirgi kurs bo‘yicha deyarli 17 dollar) miqdorida belgilangan.