2023 yil 13 fevral, Toshkent. «Orient Group» kompaniyasining asosiy biznes yo‘nalishlaridan biri bo‘lmish – Makro supermarketlar tarmog‘ini transformatsiya qilish va uzoq muddatli rivojlantirishni jadallashtirish strategiyasini amalga oshirishda davom etmoqda.
Bugun Rossiyaning eng yirik «X5 Group» chakana tarmog‘i direktorlar kengashi a’zosi, Kuzatuv kengashi raisi va Tayinlash va ish haqi qo‘mitasi raisi Pyotr Demchenkov «Makro» kuzatuv kengashiga saylandi. U «Makro» Kuzatuv kengashi ishini tashkil etish, Kengash vakolatiga kiruvchi strategik va tashkiliy masalalarni hal etish, shuningdek, operativ muammolarni hal qilishda rahbariyatga ekspert yordamini ko‘rsatishga javob beradi.
Pyotr Demchenkov FMCG, chakana savdo va logistika kompaniyalarida yirik boshqaruv tajribasiga ega. 15 yil davomida u Rossiya, Belorussiya va Qozog‘istonda faoliyat yurituvchi ALIDI distribyutor-logistika kompaniyasi biznesini boshqargan. 8 yil davomida Pyotr «X5 Group» kuzatuv kengashining a’zosi. Hozirda Olina Oy (Finlandiya) investitsiya kompaniyasiga egalik qiladi.
“Biz «Makro»ga global chakana savdo sohasida katta tajribaga ega mutaxassislarni jalb qilishda davom etmoqdamiz. Bugungi kunda logistika va chakana savdo sohasida chuqur tajribaga ega Pyotr Demchenkov supermarketlar tarmog‘imizning Kuzatuv kengashiga mustaqil direktor (NED) sifatida qo‘shildi. Ishonchim komilki, uning tajribasi investitsiyalarni jalb qilish, samaradorlikni oshirish, yanada sifatli xizmat ko‘rsatish tizimini yaratish, mijozlarimiz uchun keng turdagi va maqbul narxlarni taqdim etish bo‘yicha tasdiqlangan strategiyani amalga oshirishga yordam beradi”, — deydi «Orient Group» bosh direktori Andrey Maslov.
“Bugun O‘zbekiston Yevrosiyodagi eng istiqbolli bozorlardan biri hisoblanadi. Men «Makro» Kuzatuv Kengashiga a’zo bo‘lish taklifini katta ishtiyoq bilan qabul qildim, chunki bu yerga kelganimdan so‘ng bu bozor yillar davomida qay darajada o‘zgarganiga hayron bo‘ldim. Men «Orient Group» asoschilari va rahbariyatiga bildirgan ishonchlari uchun minnatdorman va umuman holding, xususan, «Makro» supermarketlar tarmog‘i oldida turgan ulkan maqsadlarga erishish uchun turli mamlakatlarda olgan bilim va tajribamni qo‘llashdan xursand bo‘laman”, — dedi Pyotr Demchenkov.
Kompaniyalar haqida:
Orient Group O‘zbekistondagi eng yirik xususiy investorlardan biridir. Kompaniya 22 yildan ortiq vaqtdan beri muvaffaqiyatli biznes yuritib, 25 000 nafar xodimlar, investorlar, hamkorlar va mamlakatning barcha aholisi uchun eng yaxshi kelajak yaratmoqda. «Orient Group» biznes portfeliga iqtisodiyotning turli tarmoqlari: development, logistika, to‘qimachilik sanoati va chakana savdo sohalaridagi korxonalar va loyihalar kiradi. Batafsil ma’lumot rasmiy saytda: www.orientgroup.uz
«Darvoza Savdo» MChJ MAKRO savdo belgisi («Orient Group» tarkibiga kiruvchi) O‘zbekistondagi eng yirik supermarketlar tarmog‘i hisoblanadi. 12 yillik muvaffaqiyatli faoliyati davomida kompaniya mamlakatimizning 30 ta shahrida 109 dan ortiq supermarket ochgan. MAKRO missiyasi do‘konga oddiy borishni qiziqarli gastronomik sayohatga aylantirishdir. Tarmoqning assortimenti eng yangi mahsulotlar va mahsulotlarning keng tanlovini o‘z ichiga oladi, jumladan o‘zining Mbrand, Master Bakery va Master Chef brendlari. Oziq-ovqat sifati tizimi ISO 9001:2015, ISO 2200:2018 sertifikatlari bilan tasdiqlangan. Har kuni tarmoq supermarketlariga 88 000 dan ortiq mijoz tashrif buyuradi. Kompaniyada 3900 dan ortiq xodim ishlaydi. 2021 yilda MAKRO «Convenience Store of the Year» («Uy yonidagi eng yaxshi qulay do‘kon formati») va «Domestic Retailer of the Year» («Eng yaxshi mahalliy chakana savdo tarmog‘i») nominatsiyalari bo‘yicha nufuzli Retail Asia Awards mukofotlarini qo‘lga kiritdi.
Reklama