Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 19:02 / 09.08.2023
    3841
    2 daqiqa o‘qiladi

    O‘zbekiston ochiq ma’lumotlar reytingida 30-o‘ringa ko‘tarildi

    Shu jumladan, ma’lumotlar to‘liqligi ko‘rsatkichlari bo‘yicha 46-o‘rinda, ma’lumotlar ochiqligi bo‘yicha 25-o‘rinda qayd etildi.

    O‘zbekiston Respublikasi Open Data Inventory (ODIN) ochiq ma’lumotlar reytingida 195 ta mamlakat orasida 70 ball bilan 30-o‘ringa ko‘tarildi, hamda Markaziy Osiyoda 1-o‘rinni saqlab qoldi. Bu haqda Open Data Watch hisobotida ma’lumot berildi.

    Open Data Inventory (ODIN) – mamlakatning rasmiy statistikasi qanchalik to‘liq ekani va undagi ma’lumotlar xalqaro ochiqlik standartlariga mos kelishini baholaydi.

    O‘zbekiston 2022 yilgi ochiq ma’lumotlar inventarizatsiyasida umumiy 70 ball to‘plab, 30-o‘rinni egalladi. Shu jumladan, ma’lumotlar to‘liqligi ko‘rsatkichlari bo‘yicha 46-o‘rinda (Markaziy Osiyoda 2-o‘rin) va ma’lumotlar ochiqligi bo‘yicha 25-o‘rinda (Markaziy Osiyoda 1-o‘rin) qayd etildi.

    Statistika agentligi ushbu reytingni yurituvchi Open Data Watch tashkiloti bilan 2019 yildan boshlab hamkorlik qilmoqda.

    ODIN reytingida eng yuqori ko‘rsatkichga Singapur, Polsha va Daniya erishgan. Eng past ko‘rsatkichlar Janubiy Sudan, Haiti va Turkmanistonda qayd etilgan.

    #Ochiq ma’lumotlar #Open Data Inventory #Open Data Watch

    Tavsiya etamiz

    So‘nggi yangiliklar

    Barcha yangiliklar