Ramzon Qodirovning kanalida u “tirik va sog‘lom” ekani ma’lum qilindi
Checheniston rahbari Ramzon Qodirovning Telegram-kanalida u “tirik va sog‘lom” ekani aytilgan post e’lon qilindi. So‘nggi vaqtlarda OAVda uning jiddiy xasta ekani, hatto komaga tushgan bo‘lishi mumkinligi haqidagi xabarlar urchigandi.

Qodirov e’lon qilgan videodan kadr
“Yaratganga shukr, men tirikman va sog‘lomman. Va umuman tushunmayapman, nega men hatto kasal bo‘lib qolsam ham shov-shuv ko‘tarilishi kerak? Lekin buning o‘z plyusi ham bor – endi qaysi OAV va qaysi shaxslar o‘z o‘quvchilarini ochiqchasiga aldashini auditoriya bilib oldi”, – deya yozilgan postda.
Avvalroq matbuotda va Telegram-kanallarda Checheniston rahbari sog‘ligi yomonlashgani sabab Moskvadagi Markaziy klinik shifoxonaga olib borilgani haqida xabarlar tarqalgan, Kremlda bunga javoban Qodirovning “sog‘ligining holati haqida ma’lumotnoma bera olmasliklari”ni aytishgandi.
Qodirov 20 sentabr kungi postida haqiqatan ham shu shifoxonada bo‘lganini tasdiqladi, lekin boshqa maqsadda – u yerda davolangan bobosi Magomed Qodirovni ko‘rish uchun borganini bildirdi.
Postga ilova qilingan videoda Qodirov shifoxona palatasida bobosining yonida o‘tirgani ko‘rinadi. Videoda shifokor Checheniston rahbarining bobosi 2 haftadan buyon shifoxonada ekanini aytib, “Bugun 20 sentabr” deya ta’kidlaydi.
Ramzon Qodirovning sog‘ligi yomonlashgani haqidagi xabarlar sentabr oyi o‘rtalarida paydo bo‘ldi. Ayrim manbalar u koma holatida ekanini yozdi. Ukraina razvedkasi Qodirovda allaqanday kasallik zo‘raygani va u “og‘ir holatda” ekanini da’vo qildi. “Exo Moskvi” sobiq bosh muharriri Aleksey Venediktov Checheniston rahbarida “tipik og‘ir buyrak yetishmovchiligi” kuzatilgani, shu sababli “tez-tez gemodializ olishiga zarurat borligi va bu, aftidan, Markaziy klinik shifoxonada bo‘layotgani”ni yozdi.
17 sentabr kuni Qodirovning Telegram-kanaliga u bog‘da sayr qilayotgani aks etgan video joylandi. “Internetda rostni yolg‘ondan ajrata olmaydigan hammaga toza havoda sayr qilib, o‘y-xayollarini tartibga keltirib olishni juda ham maslahat beraman. Yomg‘ir yaxshigina tetiklashtiradi”, – deya yozilgandi video ostiga. Rolik qachon va qayerda yozib olingani ma’lum emas.
Tavsiya etamiz
Hindiston va Pokiston: kimning armiyasi kuchliroq?
Jahon | 19:21 / 09.05.2025
Mafkuralar kurashi: 9 may aslida qanday kun?
O‘zbekiston | 14:22 / 09.05.2025
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
So‘nggi yangiliklar
-
Andijondagi toshqin, oliy ta’limdagi o‘zgarishlar va do‘xtirlarga $1500 oylik - hafta dayjesti
O‘zbekiston | 21:33
-
Shvetsiya elektromobillarni quvvatlantiradigan yo‘llarni quradi
Jahon | 21:20
-
Kellog 30 kunlik otashkesimdan keyin Ukraina mojarosiga barham berilishini aytdi
Jahon | 20:58
-
“Kino va teatr ahmoqlarni tarbiyalaydigan joy emas, aqlli insonlar dam oladigan joy” – Sanjar Shodiyev
O‘zbekiston | 20:30
Mavzuga oid

20:04 / 08.05.2025
Putin Ramzan Qodirovning iste’foga chiqishiga ruxsat bermadi

18:15 / 06.05.2025
Ramzon Qodirov o‘zini Checheniston rahbari lavozimidan ozod etishni so‘raganini aytdi

19:35 / 02.05.2025
Bloomberg: Tramp jamoasi Rossiyaga iqtisodiy bosimlarni kuchaytirish variantlarini tayyorladi

22:09 / 01.05.2025