Erondagi Ozarboyjon elchixonasiga hujum qilgan shaxs o‘lim jazosiga hukm qilindi 

Eron sudi 2023 yil yanvar oyida Ozarboyjonning Tehrondagi elchixonasiga hujum uyushtirgan jinoyatchini o‘lim jazosiga hukm qildi. 

Hukm Eron fuqarosi Yosin Husaynzodaga nisbatan chiqarildi. 

Ozarboyjonning Tehrondagi elchixonasiga hujum 27 yanvar kuni sodir bo‘ldi. Diplomatik missiya binosiga ikki kishi kirib keldi, ulardan biri eshikni ochdi, shundan so‘ng avtomat ko‘targan odam ichkariga yugurib kirib, o‘q otishni boshladi. Oqibatda bir kishi — diplomatik missiya xavfsizlik xizmati rahbari O‘rxon Askerov halok bo‘ldi. Ikki qo‘riqchi yaralandi. 

Hujum qilgan shaxs politsiya tomonidan qo‘lga olindi. Surishtiruv chog‘ida u bunday qilmishini shaxsiy va oilaviy muammolar bilan izohladi. Ozarboyjon prezidenti Ilhom Aliyev voqeani terakt deb atagan edi.