Xitoy va Rossiya O‘zbekistonning asosiy tashqi savdo hamkori bo‘lib qolyapti

2023 yilning yanvar-noyabr oylarida O‘zbekiston Respublikasining tashqi savdo aylanmasi 57,3 mlrd AQSh dollariga yetgan.  

Statistika agentligining dastlabki ma’lumotlariga ko‘ra, O‘zbekiston Respublikasi tashqi savdo aylanmasida yuqori ulushga ega bo‘lgan hamkor davlatlar orasida Xitoy yetakchilik qilyapti – 12,2 mlrd dollar.

Keyingi o‘rinlardan savdo aylanmasi mos ravishda 8,8 mlrd hamda 4 mlrd dollarni tashkil qilgan Rossiya va Qozog‘iston joy oldi.

Ushbu ko‘rsatkich qolgan davlatlar bo‘yicha quyidagicha ko‘rinishga ega bo‘ldi: 

Turkiya – 2,8 mlrd;
Koreya – 2,1 mlrd;
Turkmaniston – 970 mln;
Germaniya – 962 mln;
Qirg‘iziston – 878 mln;
Fransiya – 832 mln;
Afg‘oniston – 784 mln dollar.