Surxondaryoda O‘zbekistondagi eng yirik issiqxona ishga tushadi

Gold Agro Fresh agrofirmasi Surxondaryo viloyatida narxi 35 million dollarlik yirik issiqxonani ishga tushiradi.

Bu yerda mingdan ziyod ish o‘rni tashkillashtiriladi va har yili 30 mln. dollarlik mahsulot eksport qilinadi.

Ayni damda bu yerda sinov tariqasida 20 gektar maydonda 15ta blok ishga tushirilgan. Bloklarda pomidorning talab katta bo‘lgan navi, gulkaram, brokolli va yalpiz yetishtirilmoqda. Issiqxonaning barcha – 70ta bloki ishga to‘shirilgach, uning maydoni 100 gektarga yetadi.

Bundan tashqari, 434 gektarga mavsumiy mahsulotlar yetishtirish, kelajakda esa 100 gektar maydonga intensiv bog‘lar tashkil etilishi rejalashtirilgan.