Minskda O‘zbekiston elchixonasi ochiladi

O‘zbekiston Belarus poytaxti Minskda o‘z elchixonasini ochadi. Yaqin orada elchining tayinlanishi kutilmoqda. Bu haqda O‘zbekiston Respublikasi prezidenti Shavkat Mirziyoyevning Belarus Respublikasi bosh vaziri Andrey Kobyakov bilan uchrashuvida xabar berildi. 

Belarus Vazirlar Kengashi veb-saytiga ko‘ra, uchrashuvda turli sohalarda O‘zbekiston-Belarus hamkorligini kengaytirish, shuningdek, Belarus yetakchisi Aleksandr Lukashenkoning O‘zbekistonga tashrifiga tayyorgarlik masalalari muhokama qilindi.

Minskda ikki tomonlama hukumatlararo komissiyaning navbatdagi majlisida savdo-savdo-iqtisodiy hamkorlik bo‘yicha yo‘l xaritasini tasdiqlash rejalashtirilgan. Belarus O‘zbekiston tomoniga savdo-iqtisodiy hamkorlik to‘g‘risidagi yangi bitimni imzolashni ham taklif qildi.