Toshkent viloyatida kelin-kuyov noma’lum moddadan zaharlanib vafot etdi 

Ijtimoiy tarmoqlarda Toshkent viloyatining Piskent tumanida yangi turmush qurganlar to‘yining ertasiga is gazidan zaharlanib vafot etgani haqida xabarlar tarqaldi.

Bosh prokuratura ma’lum qilishicha, 15 dekabr kuni Piskent tumanidagi Birlik mahallasida birga yashagan 1995 yilda tug‘ilgan erkak va 1997 yilda tug‘ilgan ayol vafot etgan.

Tergovga qadar tekshiruv doirasida sud-tibbiy ekspertizasi tayinlangan. Uning dastlabki xulosasiga ko‘ra, o‘limga noma’lum modda bilan zaharlanish, ichki organlarning venoz to‘laqonligi, shuningdek, miya va o‘pka shishishi sabab bo‘lgan.

Mazkur holat yuzasidan Piskent tumani prokuraturasi tomonidan tergovga qadar tekshiruv ishlari davom ettirilmoqda.