O‘zbekistonda 2 ming va 20 ming so‘mlik banknotlar muomalaga chiqariladi

O‘zbekiston Markaziy banki nominal qiymati 2 000 va 20 000 so‘m bo‘lgan yangi kupyuralarni muomalaga chiqaradi.

Oliy Majlis Senati kengashi muomalaga chiqariladigan yangi banknotlarning namunalari va dizaynlarini ma'qulladi.

Kun.uz O‘zbekiston Markaziy banki matbuot xizmatidan olgan ma'lumotga ko‘ra, 2 ming va 20 ming so‘m nominaldagi yangi kupyuralar «tez orada» muomalaga chiqariladi. Bu haqda tez orada batafsil ma'lumot berilishi ma'lum qilindi.

O‘zbekistonda oxirgi marta 100 ming so‘mlik banknotlar 2019 yil 25 fevraldan boshlab muomalaga chiqarilgandi.

2020 yilda 200 va 500 so‘mlik banknotlar muomaladan chiqarilgan edi. 2021 yil martida Markaziy bank 1000 so‘mlik nominaldagi banknotlarni muomaladan chiqarish ko‘zda tutilmaganini ma'lum qilgandi.

#Markaziy bank #banknot