O‘zbekistonga quruq, sovuq va nam havo kirib keladi, kuchli shamol kutilmoqda - «O‘zgidromet»

Joriy yilning 15-16 yanvar kunlari O‘zbekiston hududiga Turkmaniston orqali Eron hududlaridan quruq va nam havo massasi, shuningdek, Volgabo‘yi hududlaridan nisbatan sovuq havo massasi kirib keladi.

Foto: Kun.uz

“O‘zgidromet” xabariga ko‘ra, 15-16 yanvarda respublika bo‘yicha ba’zi joylarda shamol kuchayishi kutilmoqda. Jumladan, Qoraqalpog‘iston Respublikasi, Xorazm, Toshkent, Sirdaryo, Qashqadaryo viloyatlarida 17-22 m/s gacha, Buxoro, Navoiy, Samarqand, Jizzax viloyatlarida 17-22 m/s gacha, ayrim joylarda 25-28 m/s gacha kuchayishi mumkin.

18 yanvarda Surxondaryo, Farg‘ona, Namangan, Andijon viloyatlarida ham shamol tezligi 17-22 m/s gacha kuchayishi kutilmoqda.

15-18 yanvarda respublika bo‘yicha vaqti-vaqti bilan yomg‘ir yog‘adi, tog‘li hududlarda yog‘ingarchilik bo‘ladi (yomg‘ir, qor), ba’zi joylarda yog‘ingarchilik kuchli bo‘ladi.

Tayyorlagan: Отабек Матназаров

#ob-havo #O‘zgidromet