Video: mashina g‘ildiragi dorixonadagilar ustiga “yo‘l oldi”

Turkiyaning Adana provinsiyasida mashina g‘ildiragi o‘z o‘qidan chiqib ketdi va to‘g‘ri dorixona tomon yo‘naldi. Buning oqibatida ikki kishi jabrlandi. Bu haqda UPI nashri xabar bermoqda.

Voqea kuzatuv kameralarida tushib qolgan. Unda mashinaning orqa g‘ildiraklari chiqib ketgani, bir necha metr masofani bosib o‘tgani va dorixonaning ochiq turgan eshigidan kirib ketganini ko‘rish mumkin.

“Biz juda hayron qoldik. Bu o‘ttiz besh yillik faoliyatimdagi eng kutilmagan hol bo‘ldi”, — dedi dorixona egasi. — Sheriklarim qattiq jarohat olishmadi. Ularga voqea joyida yordam ko‘rsatildi”.

Ma'lum qilishlaricha, na dorixona egasi va na jabrlanganlar voqea yuzasidan sudga arz etishmagan.