Toshkent havosining iflosligi bo‘yicha dunyoda 2-o‘rinni egallab turibdi

27 dekabrda Toshkent havoning ifloslanish darajasi bo‘yicha dunyoning yirik shaharlari orasida 2-o‘rinni egallab turibdi.

Foto: Kun.uz

IQAir portaliga ko‘ra, soat 8:00 da Toshkent havosida mayda PM2,5 dispers zarralarining konsentratsiyasi 249 mkg/m3 ni tashkil etgan – bu “o‘ta zararli” tasnifdagi ko‘rsatkich hisoblanadi.

Reytingda 1-o‘rinni Hindistonning Dehli shahri egallagan — PM2,5 dispers zarralarining konsentratsiyasi 292 mkg/m3. Pokistonning Lahori 3-pog‘onada — 237 mkg/m3. Xitoyning Uhan shahri to‘rtinchi o‘rinda — 220 mkg/m3

Reytingdagi o‘ntalikdan, shuningdek, Sarayevo (Bosniya), Ulan-Bator (Mo‘g‘uliston), Manama (Bahrayn), Kobul (Afg‘oniston) Karachi (Pokiston), Xanoy (Vetnam) o‘rin egallagan.

Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.

Tayyorlagan: Отабек Матназаров

#Toshkent #havo