Surxondaryoda ruhiy xasta ayol 3 yoshli qizni pichoqladi

Ayolga nisbatan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atildi.

Foto: Videodan kadr

Surxondaryo viloyati, Denov tumani bozorida ruhiy xasta ayol 3 yashar begona qizni pichoqladi.

Hodisa 1 may kuni sodir bo‘lgan. Ijtimoiy tarmoqlarda tarqalgan videolavhada ayol qizchaga pichoq urgani, so‘ngra pichoqni tashlab, ketib qolgani ko‘rinadi.

Qizcha og‘ir tan jarohati oqibatida tuman shifoxonasida vafot etgan. Gumonlanuvchi ayol protsessual tartibda ushlangan. Olingan dastlabki ma’lumotlarga ko‘ra, ayol ruhiy kasalliklar dispanserida ro‘yxatda turgan.

Hozir ayolga nisbatan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atildi. Tergov harakatlari davom etmoqda.