Pokiston sudi ijtimoiy tarmoqlarda shakkoklik qilganlik uchun ilk o‘lim jazosi tayinladi

Pokiston sudi Taymor Razo ismli erkakni shakkoklikda ayblab, uni o‘lim jazosiga mahkum qildi. Bu haqda prokuror Shafir Qurashiy ma'lum qildi.

Baxavalpur shahrida yashovchi erkak Facebook ijtimoiy tarmog‘ida tasodifiy foydalanuvchi bilan din borasida bahslashib ketgan. Keyinroq aniqlanishicha, Razo bilan bahsga kirgan foydalanuvchi terrorchilikka qarshi departament xodimi bo‘lib chiqqan.

Oqibatda Razo shakkoklikda aybdor deb topilgan. Reuters axborot agentligining ma'lum qilishicha, Pokiston sudi ijtimoiy tarmoqlarda shakkoklik qilganlik uchun birinchi marta o‘lim jazosi tayinladi.