AQShda Burning Man festivali yakunlandi

Amerika Qo‘shma Shtatlarining Nevada shtati Blek Rok sahrosida bir haftadan beri davom etayotgan Burning Man (yonayotgan odam) festivali yakunlandi. Unda ishtirok etish uchun avgust oyining oxirgi dushanbasidan butun dunyodan mehmonlar tashrif buyurdi. 

Ularning ishtirokida kimsasiz cho‘lda yirik shahar barpo etildi. Bir hafta mobaynida u yerda turli xil inshootlar paydo bo‘ldi. Arxitektura konstruksiyalari, art-binolar va installyatsiyalar, ishtirokchilarning suratlari ijtimoiy tarmoqlarda keng tarqaldi. Va nihoyat, festival yakunida Yonayotgan odam — yog‘ochdan yasalgan ulkan tulum suratlari ham paydo bo‘ldi. 

5-sentabr kuni Nevadada navbatdagi, Leonardo da Vinchining Vitruvian odamini eslatuvchi tulum yoqildi. 

Bu yilgi festival mavzusi bekorga  — «Da Vinchi Ustaxonasi» deb nomlanmaganini shundan ham bilsa bo‘ladi.