YaIDXP orqali MIBga berilgan qarzlar haqida ma'lumot olish mumkin bo‘ladi

Agar qarzdorga nisbatan ijro etuvchi sud jarayoni boshlangan bo‘lsa, sud ijrochisi chet elga chiqishni taqiqlash yoki kompensatsiya sifatida mol-mulkni tortib olish to‘g‘risida qaror chiqarishga haqlidir

Endilikda Yagona interaktiv davlat xizmatlari portalida (www.my.gov.uz) ijro harakatlari amalga oshirilishining avtomatlashtirilgan monitoringi bo‘yicha davlat interaktiv xizmatini olish mumkin.

Loyiha boshqaruvi milliy agentligi xabariga ko‘ra, Majburiy ijro byurosiga jo‘natilgan qarzlar to‘g‘risida ma'lumotni bilish uchun YaIDXP saytida ro‘yxatdan o‘tgan holda “Fuqarolik” bo‘limida “Ijro hujjati bo‘yicha qarzdorlikni tekshirish” (https://my.gov.uz/ru/service/319) xizmatiga o‘tish va “Xizmatdan foydalanish” tugmasini bosish kerak bo‘ladi yoki "qarz", "MIB", "qarzdorlik" kalit so‘zlarini kiritib, saytning qulay qidirish tugmasidan foydalanish lozim.

Shundan so‘ng bir necha soniya ichida ijro hujjatlari haqida umumiy ma'lumotlar taqdim etiladi.

Ijro hujjatiga quyidagilar kiradi: qarz miqdori, ijro etuvchi ish yuritish raqami, ijro hujjatining mazmuni, byuro bo‘linmasining nomi va uning mas'ul xodimining telefon raqami.

Tayyorlagan: Отабек Матназаров

#qarz #portal #MIB