Qoʻshimcha funksionallar
-
Tungi ko‘rinish
JCh-2018 Ravshan Ermatovsiz davom etadigan bo‘ldi
Foto: Julian Finney/Getty Images
FIFA JCh-2018ning qolgan 8ta o‘yiniga ishlaydigan hakamlar ro‘yxatini e'lon qildi. Bu ro‘yxatdan o‘zbekistonlik referi Ravshan Ermatov o‘rin olmagan.
JChda ishlashda davom etadigan hakamlar quyidagilar: Alirizo Fag‘oni (Eron), Abdulla Navof Shukrullo (Bahrayn), Malang Dediu (Senegal), Janni Sikazu (Zambiya), Mark Geyger (AQSh), Jyeyr Marrufo (AQSh), Tsezar Arturo Ramos Palazuelos (Meksika), Andres Kuna (Urugvay), Nestor Pitana (Argentina), Sandro Richchi (Braziliya), Mettyu Konger (Yangi Zelandiya), Junayt Chaqir (Turkiya), Born Kuypers (Niderlandiya), Antonio Migel Mateu Laos (Ispaniya), Milorad Majich (Serbiya), Janluka Rokki (Italiya), Damir Skomina (Sloveniya).
Eslatib o‘tamiz, Ravshan Ermatov JCh-2018ning 2ta uchrashuvida hakamlik qildi. Argentina – Xorvatiya (0:3) va Ispaniya – Marokash (2:2) o‘yinlarini boshqarishda unga qanotlarda Abduhamidullo Rasulov va Jahongir Saidov yordam berishdi.
Rossiya mundiali Ravshan Ermatov faoliyatidagi uchinchi jahon chempionati bo‘ldi. U Janubiy Afrikada o‘tkazilgan JCh-2010 va Braziliyada o‘tkazilgan JCh-2014 musobaqalarida ishtirok etib, jami 9ta o‘yinni boshqargan va dunyo rekordini o‘rnatgan. Endilikda Ermatov boshqarib borgan mundial o‘yinlari soni 11taga yetdi.
Rossiya mundiali
2018 yilning 14 iyunidan 15 iyuliga qadar Rossiyaning 11ta shahrida 12ta stadionda JCh-2018 bo‘lib o‘tadi. Rossiya ilk bor mundialga mezbonlik qilmoqda.
Mavzuga oid
22:37 / 12.10.2025
Ravshan Ermatov FIFA qo‘mitasi raisi o‘rinbosari etib tayinlandi
17:16 / 06.10.2025
«Yarmining yarmi ham emas» – Kannavaro bilan kelishuvning ayrim tafsilotlari ma’lum qilindi
12:23 / 25.04.2025
Bayram tugadi, endi jahon chempionatiga tayyorgarlik ko‘rish kerak – Ermatov o‘smirlarni akalarining xatolarini takrorlamaslikka chaqirdi
15:21 / 26.02.2025