It, mushuk, qoramol va boshqa hayvonlarni ro‘yxatga olish talablari belgilandi

Qonunga ko‘ra, O‘zbekiston hududida jismoniy yoki yuridik shaxslar tomonidan saqlanadigan va (yoki) ko‘paytiriladigan hayvonlar belgilangan tartibda identifikatsiya qilinishi hamda ro‘yxatga olinishi kerak.

Veterinariya va chorvachilikni rivojlantirish qo‘mitasi mazkur sohada vakolatli davlat organidir.

Qonunda hayvonlarni identifikatsiya qilish va ro‘yxatga olishning quyidagi muddatlari belgilangan:

- qoramol, ko‘y, echki va tuya – tug‘ilganidan 14 kundan keyin;

- ot – tug‘ilganidan 4 oydan keyin;

- cho‘chqa – tug‘ilganidan 1 oydan keyin;

- it va mushuk – tug‘ilganidan 3 oydan keyin.

Bunda hayvonlar ko‘rsatilgan muddat tugaganidan keyin 1 oydan kechiktirmay identifikatsiya qilinishi va ro‘yxatga olinishi kerak.

Saqlash va (yoki) ko‘paytirish maqsadida O‘zbekistonga olib kiriladigan hayvonlar olib kirilgan sanadan e’tiboran 21 kundan kechiktirmay identifikatsiya qilinishi lozim.