Йилига 500 нафар ёшлар энг нуфузли хорижий олийгоҳларга давлат ҳисобидан ўқишга юборилади

Ўзбекистонда дунёдаги “Топ-500”га кирадиган чет эл олийгоҳлари билан ҳамкорликда камида 50 та қўшма ўқув дастури ва “икки дипломли тизим” жорий этилади. Бу ҳақда президентликка номзод Шавкат Мирзиёев маълум қилди.

Фото: Президент матбуот хизмати

Бундан ташқари, био-технология, сунъий интеллект ва бошқа юқори технологик йўналишларда йилига 500 нафар истеъдодли ёшлар энг нуфузли хорижий олийгоҳларга давлат ҳисобидан ўқишга юборилади. Шавкат Мирзиёевнинг маълум қилишича, бунинг учун 200 миллион доллар йўналтирилади.

Келгуси етти йилда илм-фан ва инновацияларни ривожлантириш учун 1 миллиард доллар ажратилади.

Тайёрлаган: Отабек Матназаров

#сайлов #Шавкат Мирзиёев

Ўзбекистонда 2023 йил 9 июл куни муддатидан илгари президенти сайлови бўлиб ўтади. Янгиланган Конституцияга кўра, президент ваколат муддати ҳозирги 5 йилдан 7 йилга оширилган.