15 июндан «қизил» бўлмаган ҳудудлар ўртасида автобус қатновлари тикланади

Республика махсус комиссияси қарори билан, 15 июндан бошлаб «сариқ» ва «яшил» ҳудудларда ҳудудлараро автобус қатновларига рухсат берилади.

Бунда ташувчилар фаолияти қуйидаги талаблардан келиб чиққан ҳолда ташкил этилади:

транспорт воситасини якуний йўналиш нуқтасида дезинфекция қилиш;
автобус салонига фақатгина тиббий ниқоблардаги йўловчиларни киритиш;
ҳайдовчиларни тиббий қўлқоп ва тиббий ниқоблар билан таъминлаш ҳамда уларнинг мунтазам равишда ўз вақтида алмаштириб борилиши чораларини кўриш.

Қарор билан, Санитария-эпидемиология назорати давлат инспекциясига фаолияти тикланаётган соҳаларда ва тадбиркорлик субъектларида карантин талаблари, санитария-эпидемиологик қоидаларга риоя этилиши устидан назоратни амалга ошириш топширилди.

5 июндан «яшил» ҳудудларда масжидларда намоз ўқишга рухсат берилади — навбатдаги енгилликлар эълон қилинди

«Яшил» ва «сариқ» ҳудудларда умумий овқатланиш объектлари, боғчалар ва буюм бозорлари қайта очилади

Ўзбекистон бўйлаб ўз кучида қоладиган карантин талаблари маълум қилинди